Budaŭnictva błoka Minskaj centralnaj mytni zakansiervujuć
Pastanovaj Savieta Ministraŭ ad 6 lutaha 2017 hoda №97 pryniata rašeńnie ažyćciavić kansiervacyju abjekta niezavieršanaha budaŭnictva «Rekanstrukcyja administracyjna-techničnaha błoka Minskaj centralnaj mytni pa vuł Chałmahorskaj, 57», jaki ŭzvodzicca za košt srodkaŭ respublikanskaha biudžetu. Adpaviednaja infarmacyja raźmieščanaja na aficyjnym sajcie biełaruskaha ŭrada, paviedamlaje BIEŁTA.
Kansiervacyju abjekta daručana zrabić za košt srodkaŭ, što atrymlivajucca mytnymi orhanami ad dziejnaści respublikanskaha ŭnitarnaha pradpryjemstva «Biełmytniaservis» u adpaviednaści z ukazam ad 2 červienia 2009 hoda №278 «Ab umovach dadatkovaha finansavańnia mytnych orhanaŭ i orhanaŭ pamiežnaj słužby».
Zakazčyku budaŭnictva abjekta — Minskaj centralnaj mytni da 1 krasavika 2017 hoda daručana zabiaśpiečyć raspracoŭku dakumientacyi, nieabchodnaj dla kansiervacyi abjekta.
Piersanalnaja adkaznaść za zabieśpiačeńnie biaśpieki i zachavanaści zakansiervavanaha abjekta ŭskładzienaja na načalnika Minskaj centralnaj mytni.
Pastanova ŭstupaje ŭ siłu paśla jaje aficyjnaha apublikavańnia.