Prahrama «Minus 100» pakul «buksuje»
Pavodle namieśnika načalnika DAI, uzmacnieńnie adkaznaści za kiravańnie aŭto ŭ niećviarozym stanie nie pryviało da skaračeńnia kolkaści niećviarozych kiroŭcaŭ na darohach.
«Seks-symbal» pjanych kiroŭcaŭ |
U interviju BIEŁTA namieśnik načalnika DAI MUS Ihar Vanicki adznačyŭ, što ŭ pieršym paŭhodździ za paŭtornaje kiravańnie aŭto ŭ niećviarozym stanie zatrymanyja kala 2 tys. kiroŭcaŭ. Pavodle ŭsich hetych faktaŭ raspačatyja kryminalnyja spravy.
«Pjanstva za styrnom zastajecca prablemaj. Niahledziačy na surjoznuju administratyŭnuju adkaznaść, a za paŭtornaje kiravańnie ŭ niećviarozym vyhladzie — kryminalnuju, kolkaść takich faktaŭ nie źmianšajecca. Užo ŭ 2008 hodzie za kiravańnie ŭ niećviarozym vyhladzie zatrymana amal 30 tys. kiroŭcaŭ. Pa ich vinie ździejśniena bol za 350 DTZ z paciarpiełymi» — zajaviŭ I. Vanicki.
U minułym hodzie pa vinie pjanych kiroŭcaŭ na darohach krainy zahinuli 150 čałaviek, sioleta achviarami DTZ stali ŭžo 94 čałavieki.