Biełaruś abmiežavała ŭvoz śvininy z Danieckaj vobłaści
Biełaruś uvodzić časovyja abmiežavańni na pastaŭku śvininy z Danieckaj vobłaści Ukrainy ŭ suviazi z rehistracyjaj tam zachvorvańnia žyvioł afrykanskaj čumoj śviniej (AČS). Pra heta havorycca va ŭkazańni, raźmieščanym na sajcie Departamienta vieterynarnaha i charčovaha nahladu Minsielhascharča, paviedamlaje BIEŁTA.
Z 31 studzienia ŭvodziacca časovyja abmiežavańni na ŭvoz na terytoryju Biełarusi z hetaha rehijonu Ukrainy žyvych śviniej, śpiermy knyroŭ, śvininy i praduktaŭ jaje pierapracoŭki, skuranoj, rahakapytnaj i kišačnaj syraviny, ščacińnia, miasa ad dzikoŭ, palaŭničych trafiejaŭ, atrymanych ad adčuvalnych vidaŭ žyvioł.
Abmiežavańni ŭviedzienyja taksama adnosna karmoŭ i karmavych dadatkaŭ dla žyvioł raślinnaha i žyviolnaha pachodžańnia, u tym liku z ptuški i ryby. Akramia taho, abmiežavany ŭvoz byłoha va ŭžyvańni abstalavańnia dla transparciroŭki śviniej i syraviny (pradukcyi) žyviolnaha pachodžańnia, utrymańnia, zaboju i raździełki śviniej. Nazvanyja abmiežavańni raspaŭsiudžvajucca i na ŭvoz karmavych dabavak dla katoŭ i sabak, hatovych kacinych i sabačych karmoŭ, vyrablenych z syraviny, što pachodzić z Danieckaj vobłaści Ukrainy, i jakija nie prajšli termičnuju apracoŭku.
Admianiajucca ŭsie raniej vydadzienyja dazvoły na ŭvoz nazvanych tavaraŭ na terytoryju Biełarusi z dadzienaha rehijonu.