Amierykancy padtrymlivajuć Trampa ŭ spravie abmiežavańnia abortaŭ — vyniki apytańnia
Novaje ahulnanacyjanalnaje apytańnie ŭ ZŠA zaśviedčyła, što ŭ krainie isnuje šyroki kansensus adnosna patreby abmiežavańnia abortaŭ, śviedčać danyja, apublikavanyja arhanizacyjaj KOFC.
townhall.com
74% apytanych aŭtarytetnym niezaležnym Marist Institute for Public Opinion vystupajuć za zabaronu abortaŭ paśla 20 tydnia ci za jašče bolš radykalnyja abmiežavańni.
61% respandentaŭ (u tym liku 87% prychilnikaŭ Trampa i 39% prychilnikaŭ kandydatki ad demakrataŭ Chiłary Klintan) vystupajuć suprać dziaržaŭnaha finansavańnia abortaŭ u ZŠA. 83% — suprać finansavańnia abortaŭ u zamiežžy.
Statystyčnaja pamyłka apytańnia — 1,9%.
Dniami prezident Donald Tramp padpisaŭ ukaz, jaki zabaraniaje finansavać ź fiederalnaha biudžetu arhanizacyi, jakija prapahandujuć ci pravodziać aborty.
Zhodna z vynikami apytańnia, tolki 16% amierykancaŭ ličać, što aborty pavinny być lehalnymi na lubym terminie ciažarnaści. Jašče 11% — za lehalnaść abortaŭ u pieršyja 6 miesiacaŭ paśla začaćcia novaha žyćcia.
59% amierykancaŭ (u tym liku 58% biełych, 63% afraamierykancaŭ i 62% amierykancaŭ łacinaamierykanskaha pachodžańnia) ličać abort amaralnaj spravaj.