Niamieččyna nie padtrymaje pasłableńnie sankcyj suprać Rasii ŭ abmien na jadziernyja damoŭlenaści
Ministr abarony Hiermanii Ursuła fon der Lajen zajaviła, što Bierlin nie pojdzie na pasłableńnie sankcyj ZŠA i Jeŭrasajuza suprać Rasiei ŭ abmien na skaračeńnie jadziernaha ŭzbrajeńnia, pieradajuć «Viedomosti».
«Nakolki nam viadoma, Ukraina pahadziłasia pazbavicca ad svajoj jadziernaj zbroi vielmi šmat hadoŭ tamu ź piśmovaj harantyjaj z boku Rasiei pavažać i abaraniać jaje miažu. Heta pahadnieńnie było parušana anieksijaj Kryma. Takim čynam, całkam jasna, što kambinacyja «skaračeńnie jadziernaha ŭzbrajeńnia — pasłableńnie sankcyj» zusim nie pracuje», — zajaviła ministr u intervju prahramie «Bi-bi-si».
Jana nahadała, što sankcyi źviazanyja ź minskim pahadnieńniem z-za hibrydnaj vajny Rasii na ŭschodzie Ukrainy.
Raniej Tramp u intervju The Times i Bild vyklučyŭ častkovuju admienu sankcyj suprać Rasiei. Zachad «uvioŭ sankcyi ŭ dačynieńni da Rasiei — davajcie pahladzim, ci možam my zaklučyć niejkija dobryja ździełki z Rasijaj. Ja dumaju, pačniem z taho, što jadziernaja zbroja musić być vielmi značna skaročana», — adznačyŭ jon.
Barak Abama na svajoj finalnaj pres-kanfierencyi ŭ Biełym domie zaklikaŭ Trampa razhladać pytańnie ab antyrasiejskich sankcyjach asobna ad temy skaračeńnia jadziernych arsienałaŭ.
«Ja dumaju, heta, mabyć, lepš pasłužyła b nie tolki amierykanskim intaresam, ale i intaresam zachavańnia mižnarodnych normaŭ, kali b my pierakanalisia, što nie błytajem, čamu hetyja sankcyi byli ŭviedzienyja i ŭviazanyja z cełym kompleksam inšych pytańniaŭ», — pryvodzić jaho słovy Reuters.