Pad Navahrudkam chłopiec z nažom patrabavaŭ u 84-hadovaj žančyny hrošy
U vioscy Vaŭkovičy Navahrudskaha rajona susiedzi prahnali z doma 84-hadovaj žančyny chłopca, jaki z nažom u rukach patrabavaŭ u haspadyni hrošy. Pra heta BIEŁTA paviedamili ŭ pres-słužbie UUS Hrodzienskaha abłvykankama.
U minułuju subotu, 14 studzienia, u dom da viaskoŭki uvarvaŭsia 19-hadovy małady čałaviek. Jon zapatrabavaŭ 300 rubloŭ, a kali zrazumieŭ, što ničoha nie atrymaje, to prystaviŭ nož da horła žančyny. Prahnać złamyśnika zmahli susiedzi, jany ž vyklikali milicyju. Nieŭzabavie napadnik byŭ zatrymany.
Jak paviedamili ŭ milicyi, heta historyja pačałasia niekalki hadoŭ tamu. Junak-sirata dapamahaŭ žančynie pa haspadarcy, za heta jana jamu davała peŭnuju sumu hrošaj. Adnak małady čałaviek prykładnym pavodzinami nie vyznačaŭsia i byŭ nakiravany ŭ śpiecyjalizavanuju ŭstanovu.
Małady čałaviek nie pracavaŭ i nidzie nie vučyŭsia, tamu vyrašyŭ viarnucca da staroj znajomaj. Žančyna pamočnika ŭ materyjalnym płanie nie kryŭdziła, adnak u taho pastajanna raśli zapyty. U čarhovy raz «zarobak» jon vyrašyŭ zapatrabavać z dapamohaj naža.
Jak adznačyli ŭ pres-słužbie UUS, raspačata kryminalnaja sprava pa art.207 KK (razboj).