«Łukojł» u 2017 hodu nie płanuje źmianšać pastaŭki nafty ŭ Biełaruś
«Łukojł» zaklučyŭ kantrakt z «Łukojł-Biełaruś» na pastaŭku nafty ŭ abjomie 2,5 młn tonaŭ u 2017 hodzie, vynikaje z paviedamleńnia rasijskaj kampanii, piša TUT.BY.
Aryjencirovačny košt kantraktu składaje kala 550 młn dalaraŭ plus abo minus 5%. Pastaŭki buduć ažyćciaŭlacca trubapravodnym transpartam u adpaviednaści z uzhodnienym hrafikam miesiačnych pastavak, adznačajecca ŭ paviedamleńni, u Navapołack (AAT «Naftan») i / abo Mazyr (AAT «Mazyrski NPZ»).
Na 2016 hod byŭ zaklučany anałahičny kantrakt.
Ułady Biełarusi i Rasii da hetaha času nie mohuć urehulavać naftahazavy kanflikt.
Vice-premjer Uładzimir Siamaška zajaŭlaŭ, što rašeńnie pa naftahazavych pytańniach z Maskvoj pavinna być znojdziena nie paźniej za I kvartał 2017 hoda.
Biełaruś žadała ŭ 2016 hodzie atrymać 24 młn ton rasijskaj nafty. Ale pastaŭki byli skaročanyja da 18 młn ton praz doŭh Minska pa hazie.
«Łukojłu» u Biełarusi nieabchodna padtrymlivać dziejnaść sietki svaich zapravak. Pavodle dadzienych kampanii, joj naležać 81 AZS, a taksama 5 naftabaz i 3 hazanapaŭnialnyja stancyi.