U Biešankovickim rajonie «Hazel» z vaśmiu pasažyrami vylecieła ŭ kiuviet, dzie sutyknułasia z furaj
U Biešankovickim rajonie «Hazel» z vaśmiu pasažyrami vylecieła ŭ kiuviet, dzie sutyknułasia z furaj, kiroŭca jakoj raniej taksama nie spraviŭsia z kiravańniem. Pra heta paviedamlaje UUS Viciebskaha abłvykankama.
Fota uvd.vitebsk.gov.by
Avaryja adbyłasia 27 śniežnia, kala 8.40, na 197-m kiłamietry trasy M3 Minsk — Viciebsk u rajonie vioski Bačejkava. Spačatku ŭ kiuviet vylecieła fura MAN pad kiravańniem 56-hadovaha kiroŭcy. Praź niekatory čas na tym ža ŭčastku darohi zaniesła «Hazel», za rulom jakoj byŭ 51-hadovy kiroŭca. Mikraaŭtobus taksama vylecieŭ u kiuviet i ŭrezaŭsia ŭ furu.
Akramia kiroŭcy, u «Hazeli» jechali vosiem pasažyraŭ — rabotniki adnoj ź viciebskich budaŭničych firmaŭ. Usie jany dastaŭleny ŭ balnicu dla abśledavańnia. Kiroŭcy ŭ DTZ nie paciarpieli.
Abstaviny avaryi vyśviatlajucca.
DAI nahadvaje, što ŭ ciapieršniaje nadvorje prajeznaja častka na asobnych učastkach moža być ślizkaj, tamu kiroŭcam treba być asabliva ŭvažlivymi i vybirać biaśpiečnuju chutkaść ruchu.