Zachopleny samalot A320 livijskich avijalinij z 111 pasažyrami na borcie
Samalot A320 livijskaj avijakampanii Afriqiyah Airways zachopleny zhonščykami. Avijałajnier, jaki vykonvaŭ pieralot pa ŭnutranym maršrucie, pryziamliŭsia ŭ aeraporcie Malty.
Times of Malta
14:40
Na borcie samalota, jaki ruchaŭsia ź livijskaha horada Sieba ŭ Trypali, znachodziacca 118 čałaviek razam z členami ekipažu.
Pa dadzienych maltyjskich ŚMI, na borcie dvoje zhonščykaŭ, jakija pahražajuć padarvać samalot. Jakija patrabavańni jany vystaŭlajuć, pakul nieviadoma.
***
Usie rejsy ŭ aeraporcie Malty admienieny. U pryvatnaści, paviedamlaje Times of Malta, na niapeŭny čas adkładzienyja rejsy Ryanair i Lufthansa, jakija rychtavalisia da vyletu.
Dzieviać rejsaŭ, jakija nakiroŭvalisia na Maltu, pieraviedzieny ŭ aeraport Katanii na vostravie Sicylija.
***
14:55
U čałavieka, jaki zachapiŭ samalot, jość ručnaja hranata. Miarkujecca, što zhonščyk źjaŭlajecca paśladoŭnikam Kadafi.
14:59
Premjer ministr Malty paćvierdziŭ, što na borcie znachodziacca 111 pasažyraŭ: 82 mužčyny, 28 žančyn i 1 dzicia.
15:18
ŚMI paviedamili pra patrabavańni zachopnikaŭ samalota. Pavodle paviedamleńnia partała «El-Bilad», zachopniki zajavili, što naležać da livijskaj hrupoŭki «Al-Facich al-Džadyd» i patrabujuć vyzvalić z turmy syna Muamara Kadafi Siejfa al-Isłama.
15:20
Paviedamlajecca, što zhonščyki pahadzilisia adpuścić pasažyraŭ samalota.