Fomačkin, sučasnyja trafiki, seks u Sucharavie — z čaho my śmiajalisia ŭ 2016 hodzie
2016 hod byŭ davoli bahaty na roznyja miemy i virusnyja videa ŭ bajnecie. «Naša Niva» sabrała samyja papularnyja ź ich.
Ajvan z vaŭkami
U 2016 hodzie Biełaruś na Jeŭrabačańni pradstaŭlaŭ śpiavak Ajvan (Saša Ivanoŭ). Za niekalki miesiacaŭ da konkursa ŭ sacsietkach źjaviłasia fota aholenaha Ajvana z vaŭkom.
Fota z sacsietak.
Biełteleradyjokampanija zajaviła, što heta vobraz, a pradstaŭnik Biełarusi chutčej za ŭsio vystupić apranutym i z hałahramami vaŭkoŭ. Ale chvalu miemaŭ było ŭžo nie spynić.
Salist hurta «Drazdy» Vital Karpanaŭ u adkaz zładziŭ fotasiesiju z husiami.
«Raździavacca i rabotać»
Na piatym Usiebiełaruskim narodnym schodzie, jaki adbyŭsia 22 červienia ŭ Minsku, Alaksandr Łukašenka ahavaryŭsia. «Usio i naša žyćcio ŭ prostym — treba raspranacca i pracavać», — zajaviŭ kiraŭnik dziaržavy.
Cytata raźlaciełasia pa viadomych zamiežnych ŚMI, a ŭ internecie zapuścili fłešmob z raspranańniem.
Fomačkin i ściah Rasii
Na Paralimpijadzie ŭ Rya-de-Žaniejra zbornaja Biełarusi praniesła rasijski ściah u jakaści salidarnaści z rasijskaj zbornaj, jakuju adchilili ad udziełu za ŭžyvańnie dopinhu. Akcyja ledź nie sarvałasia, ale Andrej Fomačkin, jaki źjaŭlajecca staršynioj dyrektarata nacyjanalnych kamand pa vidach sportu, usio ž uźniaŭ rasijski ściah.
Bajnet acaniŭ podźvih.
«Samyja sučasnyja trafiki»
Namieśnik premjer-ministra Biełarusi Anatol Kalinin padčas technałahičnaj vystavy TIBO-2016 daŭ telekanału ANT niezrazumieły kamientar, jaki sioleta staŭ internet-chitom:
Zatrymańnie Čyža
Adzin z samych upłyvovych biznesoŭcaŭ krainy Jury Čyž sioleta byŭ zatrymany supracoŭnikami pravaachoŭnych orhanaŭ. Sacyjalnyja sietki nie mahli abminuć hetuju navinu.
Ilustracyja — supołka «Čaj z malinavym vareńniem».
Łanskaja zaśpiavała mužčynskim hołasam
Sioleta na «Słavianskim bazary» zdaryŭsia kurjoz. Padčas vykanańnia finalnaj pieśni biełaruskaja śpiavačka Alena Łanskaja «zaśpiavała» mužčynskim hołasam. Videa sabrała amal 400 tysiač prahladaŭ.
Publičny seks u Sucharavie
U žniŭni ŭ sacyjalnych sietkach źjaviłasia fota maładoj pary, jakaja zaniałasia seksam prosta pasiarod vulicy pad voknami šmatpaviarchovak.
Fota — https://twitter.com/Bogomazovaa
Maładuju paru aštrafavali, zatoje internet paviesialiŭsia.
Styvien Sihał i morkva
Viadomy amierykanski akcior, zorka halivudskich błokbastaraŭ Styvien Sihał sioleta pryjechaŭ ź vizitam u Biełaruś. Zajechaŭšy ŭ hości da kiraŭnika dziaržavy ŭ rezidencyju «Drazdy», viadomy akcior pakaštavaŭ harodninu z aharodu Łukašenki.
Samaje trahičnaje pračytańnie frazy «My — biełarusy»
Chtości paličyŭ heta ździekam, kahości heta naśmiašyła, ale ŭsich heta ŭraziła. Maleńkaja dziaŭčynka skroź ślozy čytaje «My — biełarusy» i nie moža strymać emocyjaŭ. Videa razyšłosia pa sacsietkach i pierazalivałasia na inšyja kanały, koŭby.
Ajfon-płafon
Na sustrečy z rasijskimi ŚMI Łukašenka zajaviŭ, što časy, kali hałoŭnymi krynicami ŭzbahačeńnia źjaŭlalisia nafta i haz, sychodziać. Pa vyrazie kiraŭnika dziaržavy, budučynia za «hadžetami, ajfonami i płafonami». U internecie adrazu abyhrali vyraz kiraŭnika dziaržavy: