Alimpijcaŭ stymulujuć pažyćciovaj skvarkaj
Hieneralny dyrektar ZAT «Biełatmit» paabiacaŭ pažyćciova zabiaśpiečvać miasam i kaŭbasami biełaruskich pieramožcaŭ Alimpijskich hulniaŭ, a baskietbalistam dla viečnaj skvarki treba zaniać chacia b treciaje miesca.
Na ŭšanavańni nacyjanalnaj žanočaj baskietbolnaj zbornaj krainy, jakoje adbyłosia ŭ niadzielu, hieneralny dyrektar ZAT «Biełatmit» Barys Cyporyn zajaviŭ, što ŭ vypadku vyjhryšu kamandaj medaloŭ luboj vartaści na Alimpijadzie‑2008 kožny hulec budzie pažyćciova zabiaśpiečany miasnymi i kaŭbasnymi vyrabami.
Jon taksama paabiacaŭ, što «miasnaja pensija» čakaje kožnaha biełaruskaha spartoŭca, jakomu ŭdasca padniacca na najvyšejšuju prystupku pjedestała ŭ Pekinie.