U Babrujsku dyrektara pradpryjemstva abvinavačvajuć u fiktyŭnym pracaŭładkavańni čatyroch čałaviek
Dyrektara babrujskaha pradpryjemstva pa akazańni pasłuh nasielnictvu buduć sudzić za bujny kradziež, dapamohu ŭ machlarstvie i złoŭžyvańni słužbovymi paŭnamoctvami. Žančynu vykryli ŭ fiktyŭnym pracaŭładkavańni čatyroch čałaviek, paviedamlaje Śledčy kamitet.
Śledstva ličyć, što 50-hadovaja žančyna ź lipienia 2007 hoda pa krasavik 2016 hoda zahadvała padnačalenym składać dakumienty dla fiktyŭnaha pracaŭładkavańnia na pradpryjemstva čatyroch čałaviek, jakim byŭ patrebny pracoŭny staž.
Dziejańni abvinavačvanaj paciahnuli nieabhruntavanaje pavieličeńnie pracoŭnaha stažu, jaki ŭličvajecca pry pryznačeńni piensii. Adnamu z čatyroch čałaviek była pryznačanaja piensija pa ŭzroście za rabotu z asabliva škodnymi i asabliva ciažkimi ŭmovami pracy.
Pry hetym dyrektar amal 10 hadoŭ atrymlivała zarobak, naličany adnamu ź fiktyŭna pracaŭładkavanych čałaviek.
Naniesienuju škodu pradpryjemstvu acanili bolš čym u 10,5 tysiačy rubloŭ, fondu sacyjalnaj abarony — bolš za 2,5 tysiačy rubloŭ. Usiu škodu abvinavačvanaja kampiensavała.
Dyrektar znachodzicca pad vartaj.