Ci budzie fokus?
Našy šaški
Stakletkavyja šaški nikoli nie karystalisia ŭ Biełarusi šalonaj papularnaściu: vyhladaje, navat słaŭnyja pieramohi Arkadzia Hantvarha dy Zoi Hołubievaj mała što źmianili ŭ hramadzkaj dumcy.
Stakletkavyja šaški nikoli nie karystalisia ŭ Biełarusi šalonaj papularnaściu: vyhladaje, navat słaŭnyja pieramohi Arkadzia Hantvarha dy Zoi Hołubievaj mała što źmianili ŭ hramadzkaj dumcy. Hledačoŭ na čempijanacie krainy, što kahadzie zaviaršyŭsia ŭ mienskim Pałacy šachmat i šašak, možna było pieraličyć na palcach. Adzin ź ich adrazu pryznaŭsia karespandentu «NN», što hulaje na 64 kletkach, a zavitaŭ u pałac, kab zirnuć na starych znajomcaŭ. Cudziŭ imprezu veteran žurnalistyki i baraćby z melijaracyjaj Alaksandar Šabalin.
Los šašačnaj karony vyrašyŭsia ŭ apošnim tury. Andrej Valuk pieramoh Vitala Varušyłu, Alaksandar Bułataŭ – Arkadzia Płakchina. Sp.Arkadź uspryniaŭ parazu emacyjna: «Hech, abniasłaviŭsia…», Mižnarodny hrosmajstar pa rasiejskich šaškach apynuŭsia ŭ «chvaście» – zrešty, jahony stakletkavy rejtynh i byŭ nižejšy za siaredni.
Pavodle dadatkovych pakaźnikaŭ pieršym vyjšaŭ Valuk, druhim – Bułataŭ. Treciaja pazycyja ŭ majstra FMŽD Andreja Tołčykava. Pieramožca pieršaj lihi Ihar Michalčanka hetym razam byŭ tolki čaćviertym.
Mo čempijon śvietu pa šaškach-64, 32-hadovy haradzieniec Andrej Valuk, adnačasna zavajuje suśvietnaje pieršynstvo i na vialikaj došcy? Takoha pakul nikomu nie ŭdavałasia. Kažučy słovami palityka z Małoha Sitna, heta byŭ by fokus!