U Rasii ŭviali śpiecyjalnuju licenziju na praviadzieńnie abortaŭ
Rasijski ŭrad uklučyŭ aborty ŭ pieralik miedycynskich pasłuh, dla praviadzieńnia jakich nieabchodna atrymać dadatkovuju miedycynskuju licenziju, paviedamlaje VVS.
U paniadziełak była apublikavanaja adpaviednaja pastanova, padpisanaja 8 śniežnia 2016 hoda premjer-ministram Rasii Dźmitryjem Miadźviedzievym. Jana ŭstupić u siłu praz hod paśla publikacyi.
Da tych časoŭ akazvać pasłuhi pa pierapynieńni ciažarnaści zmohuć miedustanovy, jakija majuć licenziju na akazańnie pasłuh pa kirunku «akušerstva i hiniekałohija».
Paśla ŭstupleńnia pastanovy ŭ siłu miedustanovam pryjdziecca atrymlivać asobnuju licenziju na praviadzieńnie abortaŭ.
Aficyjny pradstaŭnik ministerstva achovy zdaroŭja RF Aleh Sałahaj paviedamiŭ, što viedamstva choča vieści ŭlik miedycynskich ustanoŭ, jakija pravodziać takuju praceduru. Ciapier u ministerstva achovy zdaroŭja niama statystyki pa klinikam, jakija pravodziać aborty płatna.