Zbornaja Łatvii pa skieletonie budzie bajkatavać ČS u Sočy
Zbornaja Łatvii pa skieletonie admoviłasia ŭdzielničać u čempijanacie śvietu pa babślei i skieletonie, jaki ŭ 2017 hodzie projdzie ŭ Sočy. Pra heta havorycca ŭ pres-relizie, apublikavanym na sajcie łatvijskaj zbornaj u niadzielu, 11 śniežnia.
«Prajšło niamała času z taho momantu, jak Suśvietnaje antydopinhavaje ahienctva (WADA) i Mižnarodny alimpijski kamitet (MAK) upieršyniu apublikavali infarmacyju pra niesumlennych spartoŭcaŭ u našym vidzie sportu. Ciapier, paśla apošnich paviedamleńniaŭ, my zajaŭlajem: z nas chopić», — havorycca ŭ dakumiencie.
Jak padkreślili łatvijskija spartoŭcy, na čempijanacie śvietu pa bijatłonie i skieletonie, što maje adbycca, jany z radaściu vystupiać na spabornictvach u luboj krainie, ale nie buduć udzielničać u ČS u Sočy — «tam, dzie ŭ 2014 hodzie byŭ skradzieny duch Alimpijady».
Čempijanat śvietu pa babślei i skieletonie projdzie ŭ Sočy z 13 pa 26 lutaha 2017 hoda. Raniej hazieta The New York Times pisała, što mahčymaść bajkatavać ČS razhladaje zbornaja ZŠA, paviedamlaje DW.