Dolf Łundhren prylataŭ u Minsk patajemna
Fota z fejsbuka Kaciaryny Hlinskaj
Jak i Styvien Sihał, viadomy šviedski akcior Dolf Łundhren prylacieŭ pa zaprašeńni biełaruskaha centra raspracoŭki kampanii Wargaming, jakaja robić viadomuju hulniu World of Tanks («Śviet tankaŭ»). Niekalki dzion tamu «tankisty» anansavali ŭdzieł akciora na svaim WG-feście (heta fiestyval fanataŭ hulni World of Tanks) — jon projdzie 17 śniežnia ŭ Maskvie. Ale pra vizit u Minsk ničoha nie paviedamlałasia.
Jak daviedałasia kp.by, akcior prylacieŭ u biełaruskuju stalicu ŭ subotu rehularnym rejsam «Biełavija». Adna ź ściuardes «Biełavija» vykłała ŭ svoj Instahram sumiesnuju fatahrafiju z akcioram.
game-stream.by
Dolf Łundhren budzie ŭ Minsku da piatnicy, paśla čaho palacić u Maskvu na fest. Pa našych dadzienych, akcior zdymiecca ŭ rekłamnym roliku dla Wargaming - zdymki buduć doŭžycca čatyry dni. Dla hetaha arhanizatary «vypisali» apieratara z Paryža i režysiora z Maskvy. Ci zapłanavana sustreča Dolfa Łundhrena z Alaksandram Łukašenkam, pakul nie viadoma.
Dolf Łundhren staŭ viadomy ŭ 1985 hodzie paśla taho, jak syhraŭ rolu savieckaha baksiora ŭ čaćviortaj častcy filma «Roki» sa Stałonie. Samaja viadomaja jaho rola — univiersalny sałdat, jaki vyjšaŭ z-pad kantrolu, z adnajmiennaha filma. Taksama Łundhren źniaŭsia ŭ treciaj i čaćviortaj častcy filma, a taksama va ŭsich častkach filma «Nieŭtajmavanyja». Usiaho za plačyma Łundhrena — roli ŭ 70 filmach.