U vyniku vybuchaŭ u centry Stambuła zahinuli 37 čałaviek, 166 atrymali ranieńni
AFP
Prynamsi 37 čałaviek, u tym liku 27 palicejskich, zahinuli ŭ vyniku dvuch vybuchaŭ pobač z futbolnym stadyjonam Vodafone Arena ŭ stambulskim rajonie Biešyktaš. Jašče 166 čałaviek atrymali ranieńni.
Ministr unutranych spraŭ Sulejman Sojłu paviedamiŭ, što metaj napadu byli palicyjanty. Pavodle jaho słoŭ, užo zatrymanyja 10 padazravanych u arhanizacyi vybuchaŭ.
Arhanizatary teraktu chacieli, kab achviar było jak maha bolš, havorycca ŭ zajavie prezidenta krainy Redžepa Taipa Erdahana.
Viečaram 11 śniežnia pobač z chatnim stadyjonam futbolnaj kamandy «Biešyktaš» vybuchnuła mašyna, načynienaja vybuchoŭkaj.
Vybuch adbyŭsia praź dźvie hadziny paśla zakančeńnia matču «Biešyktaša» z «Bursasporam» ŭ tym miescy, dzie sa stadyjona vychodzili fanaty «Bursaspora».
Paźniej stała viadoma, što druhi vybuch prahrymieŭ u bližejšym parku, jaho ažyćciaviŭ śmiarotnik.
Pavodle źviestak MUS, vybuchovaja pryłada ŭ zaminiravannym aŭtamabili była pryviedziena ŭ dziejańnie z dapamohaj dystancyjnaha kiravańnia.
Reuters.com