Siryjskaja armija ŭziała pad kantrol histaryčny centr Alepa
AFP
Siryjskim uradavym vojskam udałosia ŭziać pad kantrol usie rajony ŭ histaryčnym centry Alepa — Starym horadzie, paviedamiŭ Siryjski centr manitorynhu za pravami čałavieka, što bazujecca ŭ Łondanie.
Bai za Stary horad praciahvalisia ŭsiu noč z aŭtorka na sieradu, udakładnili ŭ centry manitorynhu.
Paŭstancy ŭtrymlivali terytoryju vakoł staražytnaj cytadeli ŭ centry Alepa na praciahu apošnich čatyroch hadoŭ, paviedamlaje Bi-bi-si.
Ciapier vojski Asada kantralujuć bolš za dźvie traciny ŭschodniaha Alepa i praciahvajuć nastup.
Na padkantrolnaj paŭstancam terytoryi zastajucca dziasiatki tysiač mirnych žycharoŭ. Zapasy charčavańnia skančajucca, haradskija balnicy va ŭschodnim Alepa nie pracujuć.