Litva pa dziašoŭcy kuplaje 168 adzinak patrymanaj braniatechniki
Padraździaleńni Suchaputnych vojsk Litvy atrymajuć madernizavanyja husieničnyja bronietransparciory M577, paviedamiła Ministerstva nacyjanalnaj abarony krainy.
Kantrakt na 168 užo nie novych mašyn z anharaŭ niamieckaj armii budzie kaštavać Vilni 1,6 młn jeŭra.
«Uzbrojenyja siły Litvy kuplajuć kamandna-štabnyja, miedycynska-evakuacyjnyja, vučebnyja i artyleryjskija braniravanyja transpartnyja mašyny M577 u dobrym techničnym stanie, jakija zapoŭniać niedachop branietechniki», - havorycca ŭ aficyjnym kamientary.
M577 - varyjant amierykanskaha husieničnaha bronietransparciora M113 časoŭ chałodnaj vajny. Jany pastupiać u Litvu ŭ 2017—2019 hadach i buduć pieraroblenyja ŭ 120-mm samachodnyja minamioty, miedycynskija i vučebnyja mašyny.
U jakaści standartnaha bronietransparciora Letuva vykarystoŭvaje taksama M113, atrymanyja ad niamieckaj armii ŭ pačatku 2000-ch.