Vice-premjer Siamaška: Recesija ŭ pramysłovaści skončyłasia
«Pieraadoleli hety kryzis, užo pa ŭsich prykmietach ja baču, što recesija skončyłasia», — zajaviŭ u intervju telekanału STV, pakazanym u prahramie «Tydzień 24 hadziny» 26 listapada vice-premjer Uładzimir Siamaška. Učora jon udzielničaŭ u mierapryjemstvach Dnia «Amkadora» ŭ Łahojsku (Minskaja vobłaść).
Pavodle słoŭ namieśnika kiraŭnika biełaruskaha ŭrada, «u Minprama ŭžo 103% temp rostu siońnia». «A na 2017 hod my zapłanavali 111,3%», — skazaŭ Siamaška.
Što tyčycca «Amkadora», to, pavodle słoŭ vice-premjera, dla hetaj kampanii «hod skončycca vielmi paśpiachova». «I, napeŭna, 130-135% buduć supastaŭnyja ŭ koštach u adnosinach da 2016 hoda», — vykazaŭ mierkavańnie Uładzimir Siamaška.