Načalnika biuro adździeła «Mahiloŭliftmaša» abvinavačvajuć u machlarstvie
Mahiloŭski mižrajonny adździeł Śledčaha kamiteta zaviaršyŭ rasśledavańnie spravy byłoha načalnika biuro adździeła źniešnieekanamičnych suviaziaŭ AAT «Mahiloŭliftmaš», jaki abvinavačvajecca ŭ machlarskim zavałodańni 9,5 tys. rubloŭ, paviedamlaje BiełaPAN.
Nahadajem, u vieraśni 2015 hoda Śledčy kamitet zapadozryŭ načalnika biuro ŭ niezakonnym zavałodańni 44 młn niedenaminavanych rubloŭ.
«Padčas śledstva ŭstanoŭlena, što abvinavačvany, vyjazdžajučy ŭ słužbovyja kamandziroŭki za miežy Respubliki Biełaruś, padavaŭ u buchhałteryju pradpryjemstva niedakładnyja źviestki ab paniesienych kamandzirovačnych vydatkach pa najmie žylla, prajeździe, a taksama pieryjadach znachodžańnia ŭ kamandziroŭkach», — paviedamiła BiełaPAN aficyjny pradstaŭnik USK pa Mahiloŭskaj vobłaści Aksana Solaniuk.
Takim čynam, pavodle źviestak śledstva, ź lutaha 2014 hoda pa červień 2015 hoda abvinavačvany zavałodaŭ bolš jak 9.500 denaminavanymi rublami. Prysvojenyja hrašovyja srodki abvinavačvany vydatkavaŭ na asabistyja patreby.
Śledčyja nakłali aryšt na majomaść abvinavačanaha koštam kala 15.000 rubloŭ.
«Mužčyna pryznaŭ svaju vinu i całkam kampiensavaŭ naniesienuju škodu ŭ adpaviednaści z zajaŭlenym pradpryjemstvam hramadzianskim iskam. Padčas śledstva ŭniesieny šerah pradstaŭleńniaŭ ab likvidacyi pryčyn i ŭmoŭ, jakija sadziejničali ŭčynieńniu złačynstva», — zaznačyła Salaniuk.
Śledstva vyniesła pastanovu ab pieradačy kryminalnaj spravy prakuroru.