Eks-premjer Fijon pieramahaje na pieradvybarach pravicy ŭ Francyi
Niečakanka ŭ Francyi: eks-prezident Nikala Sarkazi nie vyjšaŭ u druhi tur pieradvybaraŭ, jakija pravodziać pravyja siły ŭ Francyi. U pieršym tury napierad niespadziavana vyrvaŭsia eks-premjer Fransua Fijon.
U druhim tury jon pazmahajecca ź inšym byłym premjeram Alenam Žiupe. Fijon nabraŭ 44% hałasoŭ, a Žiupe — 29, paviedamlaje vydańnie «Mond».
Fijon — sacyjalny kansiervatar, a ŭ ekanomicy vystupaje za rezkaje skaračeńnie roli dziaržavy, dziaržaparata i padaŭžeńnie pracoŭnaha tydnia z 35 hadzin, jaki ciapier adzin z najnižejšych u śviecie.
U pieradvybarach uziali ŭdzieł bolš za 4 miljony čałaviek, abo 8% ad ahulnaj kolkaści vybarcaŭ. Hałasavać moh luby, dia hetaha tre było prosta zapłacić 2 jeŭra.
Pieradvybary ad Sacyjalistyčnaj partyi adbuducca paźniej. Pakul nieviadoma, ci ŭ ich voźmie ŭdzieł dziejny prezident Fransua Aland.
Mocnym kandydatam ad centrystaŭ ličycca jašče były ministr finansaŭ, vychadziec z bankaŭskaha siektara Emaniuel Makron.