U Žytkavickim rajonie školnik znajšoŭ siakieru, jakoj 3000 hadoŭ
Siakiera-«kielt», jakuju znajšli kala Rečycy. Fota: sb.by
U Žytkavickim rajonie Homielskaj vobłaści 11-hadovy školnik znajšoŭ bronzavuju siakieru, jakoj kala 3000 hadoŭ. Jana maje nazvu «kielt». U śviecie viadoma tolki pra 10 takich siakieraŭ, piša hazieta «SB. Biełaruś siehodnia».
Kirył Varvanovič, žychar vioski Malešava, raspaviadaje, što znajšoŭ staražytnuju siakieru, kali razam sa svajoj siamjoj źbiraŭ na poli ŭradžaj bulby. Navukoŭcy adznačajuć, što na terytoryi našaj krainy «kieltaŭ» nie vyrablali, ich pryvozili pa vodnych šlachach z centralnaj ci paŭdniova-ŭschodniaj Jeŭropy. Cikava, što zusim niadaŭna siakieru-«kielt», padobnuju da toj, što znojdzienaja ŭ Žytkavickim rajonie, vypadkova znajšli kala Rečycy. Zachavałasia navat častka taparyšča (na zdymku).