Na 100-ch zaniatkach «Movy Nanova» raskazvali pra «Našu Nivu» i śpiavaŭ Volski FOTY
Atmaśfiera panavała prosta niejmaviernaja: bolš za 350 čałaviek śpiavali razam lubimyja pieśni Lavona Volskaha. Darečy, muzyčnaha hościa hetych zaniatkaŭ da apošniaha trymali ŭ sakrecie.
Lavon Volski.
Vystup Lavona Volskaha na «Movie Nanova» VIDEA
Naprykancy vystupu Lavona zała śpiavała stojačy.
Temaj 100-ch zaniatkaŭ «Movy Nanova» stała «Naša Niva». Prafiesar Siarhiej Zaprudski raspavioŭ słuchačam pra moŭnyja asablivaści haziety, jakaja vychodziła ŭ 1906-1915 hadach i 1920 hodzie. Pryhadaŭ, jak «Naša Niva» pierachodziła z łacinki na kiryličny pravapis.
Siarhiej Zaprudski.
Andrej Dyńko.
Šef-redaktar NN.BY Andrej Dyńko raspavioŭ pra siońniašniuju, sučasnuju «Našu Nivu».
«Dla mianie i dla maich kaleh pryncypovy momant, na jaki ja pakłaŭ stolki hadoŭ žyćcia i stolki ryzykavaŭ, — kab vychodziła biełaruskaja niezaležnaja hazieta. Nie amierykanskaja, nie rasijskaja i nie dziaržaŭnaja. Kab heta była niezaležnaja pryvatnaja biełaruskaja hazieta. Heta hranična važna dla farmiravańnia našaj nacyi i dla taho, kab naša baraćba za hramadzianskija i nacyjanalnyja pravy zakončyłasia pośpiecham», — skazaŭ jon.
Zamiest nastupnych zaniatkaŭ «Movy Nanova» ŭ toj ža čas u tym ža miescy projdzie biaspłatny pakaz biełaruskamoŭnaha filma. Zavitvajcie, uvachod volny! 7 listapada a 18:30 u centry «Civali» pa Prytyckaha, 29 (niekalki chvilin ad stancyi mietro «Spartyŭnaja»).