Łukašenka lacić u Katar i AAE
Alaksandr Łukašenka 29 kastryčnika nakirujecca ŭ Blizkaŭschodni rehijon, paviedamlaje jaho pres-słužba.
Padčas aficyjnaha vizitu ŭ Katar Alaksandr Łukašenka praviadzie pieramovy z emiram krainy šejcham Tamimam bien Chamadam al-Tani. Pa vynikach sustrečy čakajecca padpisańnie šerahu dvuchbakovych dakumientaŭ.
Sa stalicy Katara kiraŭnik krainy nakirujecca z rabočym vizitam u Abjadnanyja Arabskija Emiraty. Płanujecca, što kiraŭnik dziaržavy sustreniecca sa spadčynnym pryncam Abu-Dabi, namieśnikam Viarchoŭnaha hałoŭnakamandujučaha Uzbrojenymi Siłami AAE šejcham Muchamiedam bien Zaidam al-Nachajanam. Taksama zapłanavany pieramovy Alaksandra Łukašenki ź vice-prezidentam, premjer-ministram i ministram abarony AAE, pravicielem emirata Dubaj šejcham Muchamiedam bien Rašydam al-Maktumam.
Na sustrečach buduć abmiarkoŭvacca pierśpiektyŭnyja kirunki raźvićcia dvuchbakovaha supracoŭnictva, realizacyja sumiesnych projektaŭ.