Rapota: Biessensoŭna kazać, što Rasija sprabuje nachilić Biełaruś u pytańniach enierhietyki
Dziaržaŭny sakratar Sajuznaj dziaržavy Ryhor Rapota miarkuje, što biessensoŭna kazać pra toje, što Rasija sprabuje vykarystać enierhietyčnyja ryčahi dla taho, kab nachilić Biełaruś. Takoje mierkavańnie jon vykazaŭ u Vieronie ŭ čas V Jeŭrazijskaha forumu.
«Pytańnie enierhietyki znachodzicca pastajanna na paradku dnia va ŭzajemaadnosinach Biełarusi i Rasii. Supiarečnaści pa peŭnych pytańniach pieryjadyčna ŭźnikajuć, u tym liku heta i niadaŭniaje pytańnie pa enierhanośbitach, jakoje było va ŭsich na słychu. Ale hetaje pytańnie adrehulavanaje i zakrytaje», - adznačyŭ Ryhor Rapota.