U Mahilovie chočuć pastavić pomnik liftu
Pomnik liftu moža źjavicca ŭ Mahilovie. Ideja ŭstalavać jaho ŭźnikła ŭ suviazi sa śviatkavańniem 50-hodździa AAT «Mahiloŭliftmaš» — adnaho ź viadučych pramysłovych pradpryjemstvaŭ horada.
Pakul nie viadoma, što budzie saboj pradstaŭlać hetaja skulpturnaja forma, ale ŭžo dadziena rasparadžeńnie znajści dla jaje naležnaje miesca.
Ustalavać pomnik lifta — heta nie tolki pryznańnie jaho adnym z brendaŭ Mahilova, ale i danina pavahi kalektyvu pradpryjemstva, jaki na praciahu paŭstahodździa zabiaśpiečvaje jaho paśpiachovaje raźvićcio i dziejnaść, havaryłasia na abmierkavańni idei ŭ harvykankamie.