Parašenka padoŭžyŭ sankcyi suprać Rasii na hod, śpis pašyrany
Prezident Ukrainy Piatro Parašenka padpisaŭ ukaz, jakim padoŭžyŭ sankcyi ŭ dačynieńni da rasijan i rasijskich kampanij i ŭ toj ža čas pašyryŭ śpis asob, jakija padpadajuć pad sankcyi.
Pra heta havorycca va ŭkazie, padpisanym prezidentam u paniadziełak.
Ukazam uvodzicca ŭ dziejańnie rašeńnie RNBA ad 16 vieraśnia 2016 hoda «Ab prymianieńni piersanalnych śpiecyjalnych ekanamičnych i inšych abmiežavalnych mier (sankcyj)»
U svaim rašeńni RNBA padtrymała prapanovu ab padaŭžeńni i prymianieńni sankcyj, uniesienych Kabminam, SBU i NBU.
U rašeńnie RNBA taksama ŭklučanyja śpisy jurydyčnych i fizičnych asob, da jakich prymianiajucca sankcyi terminam na adzin hod.
U pres-słužbie RNBA paviedamili, što 16 vieraśnia śpis asob, jakija trapili pad sankcyi, byŭ pašyrany.
«Dadatkova ŭ sankcyjny śpis uklučanyja 335 fizičnych i 167 jurydyčnych asob, identyfikacyjnyja dadzienyja pa jakich padlahali dadatkovaj praviercy», — skazana ŭ paviedamleńni.
Nijakich źmien adnosna pieraliku fizičnych i jurydyčnych asob, jaki byŭ pryniaty na pasiadžeńni RNBA 16 vieraśnia 2016, nie ŭnosiłasia.
Paviedamlajecca, što dadatkova Parašenka daručyŭ padrychtavać asobnaje rašeńnie pa sankcyjach u dačynieńni da asob, jakija majuć dačynieńnie da praviadzieńnia tak zvanych «vybaraŭ u Dziaržaŭnuju Dumu RF» na terytoryi anieksavanaha paŭvostrava Krym. Heta tyčycca jak «deputataŭ», tak i členaŭ «vybarčych kamisij».
U RNBA abiacajuć rašeńni pa hetym pieraliku asob apublikavać u bližejšy čas.