Kolkaść ludziej, jakich prasłuchoŭvajuć u Rasii, za 8 hadoŭ vyrasła z 270 da 840 tysiač
U 2015 hodzie ŭ Rasii sudy vydali dazvoły na prasłuchoŭvańnie amal 850 tysiač čałaviek.
Źviestki pra heta apublikavaŭ rasijski hramadski dziejač Alaksiej Navalny ŭ svaim błohu.
Jon piša, što hetaja ličba niaŭchilna raście. U 2007 hodzie takija dazvoły byli vydadzienyja prykładna na 270 tysiač čałaviek. U 2011-m — na 470. A da 2015-ha ličba vyrasła jašče amal udvaja.
Prasłuchoŭvajuć 1,15% ekanamična aktyŭnaha nasielnictva, piša Navalny. «U nas, atrymlivajecca, pa vulicach błukaje miljon čałaviek, jakich padazrajuć va ŭdziele ŭ surjoznych złačynstvach?» — rytaryčna pytajecca jon
«Ličby niejmaviernyja, — praciahvaje Navalny. — Možna paraŭnać ich z ZŠA, dzie taksama siadziać typu amatary pasłuchać telefony. Fiederalnyja sudździ i sudździ štataŭ sumarna vydali 4148 dazvołaŭ za 2015 hod».
Heta ŭ sotni razoŭ mienš, čym u Rasii.
«Prasłuchoŭvajuć ŭsich. Paranoiki, vy majecie racyju. Prabačcie, što nie daviaraŭ», — robić vysnovu Navalny.