50-hadovaja śpiavačka Džaniet Džeksan paćvierdziła čutki pra ciažarnaść
50-hadovaja amierykanskaja śpiavačka Džaniet Džeksan abviaściła ab svajoj pieršaj ciažarnaści ŭ intervju časopisu People, paćvierdziŭšy takim čynam čutki, jakija źjavilisia raniej.
«Dziakuj Bohu, što błasłaviŭ nas», — skazała śpiavačka ŭ ekskluziŭnym intervju časopisu. Intervju było apublikavana razam z fota, na jakim vidać žyvocik śpiavački.
People
Čutki ab ciažarnaści Džeksan źjavilisia paśla taho, jak jana raptam adkłała pačatak svajho kancertnaha tura, patłumačyŭšy heta siamiejnymi pryčynami. Paźniej Džeksan zaŭvažyli ŭ Łondanie, kali jana kuplała dziciačyja rečy.
Jašče adna krynica časopisa People raspaviała, što Džeksan i jaje muž, katarski miljarder Visam al-Mana vielmi radyja budučamu papaŭnieńniu.
Džaniet Džeksan — znakamitaja amierykanskaja pop- i RnB-śpiavačka, kampazitar, aŭtar piesień i aktrysa, jakaja raspačała svaju karjeru ŭ vaśmidziesiatych hadach. Džaniet — małodšaja siastra Majkła Džeksana, jaki pamior u 2009 hodzie.
Getty
Pavodle dadzienych časopisa Billboard, Džeksan uvachodzić u śpis samych pradavanych vykanaŭcaŭ za ŭsiu historyju sučasnaj pop-muzyki: pa ŭsim śviecie pradadziena bolš za 100 miljonaŭ kopij jaje zapisaŭ.
Amierykanskaja asacyjacyja hukazapisvalnych kampanij (RIAA) pastaviła jaje na 11 radok u rejtynhu samych pradavanych amierykanskich vykanaŭcaŭ.