Rym aficyjna admoviŭsia ad praviadzieńnia Alimpijady-2024
Nacyjanalny alimpijski kamitet Italii aficyjna źniaŭ kandydaturu Ryma na praviadzieńnie Alimpijskich hulniaŭ 2024 hoda.
«Siońnia ja napisaŭ list u Mižnarodny alimpijski kamitet (MAK), u jakim my adklikali našu zajaŭku», — zajaviŭ kiraŭnik kamiteta Džavani Małaha.
Mer Ryma Virdžynija Radžy, abranaja na hety post u červieni i jakaja pradstaŭlaje apazicyjny «Ruch 5 zorak», jašče ŭ chodzie pieradvybarnaj kampanii zajaŭlała, što nie padtrymaje ideju praviadzieńnia Alimpijady ŭ stalicy Italii.
21 vieraśnia jana abviaściła, što stalica Italii admaŭlajecca pretendavać na praviadzieńnie Hulniaŭ. Nieŭzabavie hetaje rašeńnie było ratyfikavanaje na pasiadžeńni haradskoha savieta, adnak kiraŭnik Nacyjanalnaha alimpijskaha kamiteta raskrytykavaŭ hetaje rašeńnie i paabiacaŭ dabivacca praviadzieńnia Alimpijady.
Virdžynija Radžy raniej zajaŭlała, što Rym maje miljardnyja daŭhi i nie moža dazvolić sabie raskošu novych inviestycyj, jakich patrabuje Alimpijada. Srodki, jakija nieabchodnyja dla praviadzieńnia Hulniaŭ, na jaje dumku, lepš vydatkavać na bolš važnyja mety — uborku śmiećcia i baraćbu z karupcyjaj.
Horad-arhanizatar letnich Alimpijskich i Paralimpijskich hulniaŭ 2024 hoda budzie abvieščany 13 vieraśnia 2017 hoda ŭ Limie. Na prava praviadzieńnia Hulniaŭ ciapier pretendujuć Łos-Andželes, Paryž i Budapiešt.