Vybary ŭ Hruzii: «Hruzinskaja mara» śviatkuje pieramohu
Reuters.com
Pavodle dadzienych ekzit-poła, zamoŭlenaha niekalkimi hruzinskimi telekanałami, u tym liku i hramadskim viaščalnikam TNS Opinion, kirujučaja partyja lidziruje ź vialikim adryvam, nabirajučy 53,2% hałasoŭ.
Na druhim miescy «Adziny nacyjanalny ruch» — partyja Saakašvili, jakaja znachodziłasia va ŭładzie da 2012 hoda. Zhodna z abjaŭlenymi źviestkami, u ANR — 19,5% hałasoŭ, a ŭ Aljansu patryjotaŭ - 5%.
Pa dadzienych ekzit-poła kampanii GfK, praviedzienaha pa zamovie telekanała «Rustavi-2», kirujučaja partyja taksama vybiłasia ŭ lidary ŭ vybarčaj honcy, adnak z značna mienšym adryvam.
Pavodle hetych dadzienych, u «Hruzinskaj mary» - 39,9%, a ŭ ANR- 32% hałasoŭ, a ŭsie astatnija partyi nabirajuć mienš za 5%, nieabchodnych dla pieraadoleńnia vybarčaha barjera.
Pavodle dadzienych Centralnaj vybarčaj kamisii Hruzii, aktyŭnaść vybarščykaŭ na vybarach u cełym pa krainie skłała 51,63%.
Pieršyja papiarednija vyniki z vybarčych učastkaŭ, jak čakajecca, buduć apublikavanyja paśla apoŭnačy, adnak u kirujučaj partyi ŭžo śviatkujuć pieramohu.
«Chaču pavinšavać vas z hetaj vielizarnaj pieramohaj našaj dziaržavy, našaj radzimy, kožnaha z nas, — zajaviŭ premjer-ministr i staršynia kirujučaj partyi Hieorhij Kvirykašvili. — My, viadoma, čakajem aficyjnyja dadzienyja Centralnaj vybarčaj kamisii, ale pa ŭsich papiarednich dadzienych, «Hruzinskaja mara «pieramahła ź vielmi vialikaj pieravahaj».