Refierendum ab kvotach na biežancaŭ u Vienhryi pravaliŭsia
95% tych, chto prahałasavaŭ, vykazalisia suprać raźmierkavańnia biežancaŭ ŭnutry ES. Adnak refierendum byŭ pryznany niesapraŭdnym z-za nizkaj jaŭki.
U niadzielu, 2 kastryčnika, u Vienhryi prajšoŭ refierendum ab udziele krainy ŭ abaviazkovaj prahramie raźmierkavańnia biežancaŭ u adpaviednaści z vyznačynymi Jeŭrapiejskim Sajuzam kvotami. Pa dadzienych ekzitpołaŭ, jakija pryvodzić Reuters, plebiscyt byŭ pryznany niesapraŭdnym u suviazi ź nizkaj jaŭkaj. Pa papiarednich dadzienych, jana skłała 45 adsotkaŭ.
U toj ža čas pieravažnaja bolšaść prahałasavaŭšych — 95 adsotkaŭ — vykazalisia suprać kvot na raźmierkavańnie biežancaŭ. Pravam hołasu vałodajuć kala 8 miljonaŭ žycharoŭ Vienhryi. Refierendum byŭ by pryznany adbytym, kali b jaŭka skłała bolš za 50%.
***
U suviazi ź mihracyjnym kryzisam krainy Jeŭrasajuza ŭ vieraśni 2015 hoda damovilisia palehčyć stanovišča Hrecyi i Italii, na terytoryju jakich prybyvaje asnoŭnaja masa biežancaŭ, i zabrać u ich dla raśsialeńnia pa inšych krainach ES 160 tysiač biežancaŭ. Hety płan byŭ raźličany na dva hady, adnak z tych časoŭ byŭ pierasieleny tolki 5651 biežaniec - 4455 z Hrecyi i 1196 - ź Italii. 215 z hetych mihrantaŭ pryniała Hiermanija, Francyja - 1952 (bolšaść). Pry hetym Aŭstryja, Danija, Polšča i Vienhryja nie raźmiaścili ŭ siabie ŭ ramkach hetaj prahramy nivodnaha ŭciekača. Kamisar ES pa mihracyi Dzimitrys Aŭramopułas niadaŭna adznačyŭ, što prajšła ŭžo pałova ŭzhodnienaha terminu, nahadaŭšy, što damoŭlenaści majuć jurydyčnuju siłu.