Śledčy kamitet rasśleduje spravu «Marharytki-marharytki»
Upraŭleńniem Śledčaha kamiteta pa h. Minsku raspačata kryminalnaja sprava ŭ dačynieńni da dźviuch minčanak, jakija padazrajucca ŭ stvareńni dla ździajśnieńnia ašukanskich dziejańniaŭ u sietcy Internet hrup u sacyjalnych sietkach pad nazvaj «Marharytki-marharytki».
Papiarednie vyśvietlena, što maci i dačka, majučy namier na zavałodańnie majomaści hramadzian šlacham padmanu, zahadzia nie majučy namieru vykonvać uziatyja na siabie abaviazacielstvy, stvaryli ŭ pačatku 2015 hoda ŭ sacyjalnych sietkach «Adnakłaśniki», a paźniej i va «Ukantakcie», hrupy, u jakich prapanoŭvałasia kupić roznyja tavary pa canie značna nižejšaj za rynkavuju. Dla zamovy nieabchodna było pieraličyć poŭny košt pakupki na adzin z raźlikovych rachunkaŭ, padkantrolnych padazravanym. Akramia taho, u hrupach paviedamlałasia ab roznych akcyjach. Naprykład, nabyvajučy chaładzilnik i pralnuju mašynu, televizar pieradavaŭsia ŭ padarunak.
U bolšaści vypadkaŭ tavar da klijenta nie dachodziŭ. Tak, u mai biahučaha hoda adna z paciarpiełych vyrašyła nabyć u padazravanych pa akcyi pasudamyjnuju mašynu, vyciažku, telefon «Apple IPhone» i dva televizary za 2,5 tysiačy rubloŭ. Paśla pieraličeńnia hrošaj na raźlikovy rachunak, pakupki na jaje adras tak i nie pastupili. U niekatorych vypadkach, kali zamova vykonvałasia, na adras atrymalnika prychodziŭ tavar pa charaktarystykach, jakija sastupajuć raniej zajaŭlenym.
U ciapierašni čas śledčym viadomyja dziasiatki epizodaŭ supraćpraŭnaj dziejnaści z boku padazravanych. Kompleks mierapryjemstvaŭ, nakiravanych na vyznačeńnie dakładnaj kolkaści paciarpiełych, a taksama sumy naniesienaj im škody, praciahvajecca.
Dziejańni žančyn kvalifikavanyja śledstvam pa č.4 art.209 Kryminalnaha kodeksa Respubliki Biełaruś.
Rasśledavańnie pa kryminalnaj spravie praciahvajecca.
U metach ŭsiebakovaha vyśviatleńnia ŭsich abstavinaŭ taho, što adbyłosia, śledstva źviartajecca z prośbaj da asob, jakija paciarpieli ad dziejańniaŭ padazravanych, źviarnucca pa telefonach: 8 (017) 369-26-42, 8 (017) 369-25-96, 8 (017) 398- 90-20.