Najbujniejšaja hazieta Aryzony ŭpieršyniu za 126 hadoŭ padtrymała demakrata na vybarach prezidenta
Amierykanskaja hazieta The Arizona Republic upieršyniu za čas svajho isnavańnia, z 1890 hoda, padtrymała na vybarach prezidenta ZŠA kandydata ad demakrataŭ. Pra rašeńnie paviedamlajecca ŭ redakcyjnym materyjale na sajcie vydańnia.
Svoj vybar The Arizona Republic tłumačyć tym, što kandydat ad respublikancaŭ Donald Tramp «nie źjaŭlajecca kansiervataram i nie vałodaje dastatkovaj kvalifikacyjaj».
Kandydat ad demakrataŭ Chiłary Klintan, u adroźnieńnie ad Trampa, razumieje, što ad prezidenta ZŠA patrabujecca umieranaść, chałodnaja hałava i ŭmieńnie dumać pierš čym dziejničać. Akramia taho, u jaje prydatny tempieramient i dośvied, kab być prezidentam, piša vydańnie.
Pry hetym u Klintan jość niedachopy i jana dapuskała surjoznyja pamyłki, pryznaje hazieta. Tym nie mienš, niahledziačy na skandał ź pierapiskaj i achviaravańniami ŭ fond Klintanaŭ, kandydat ad demakrataŭ pa-raniejšamu zastajecca bolš hodnym vybaram, miarkuje hazieta.