U Viciebsku pieraniasuć pomnik Karatkieviču
U Viciebsku park Partyzanskaj słavy budzie zrezany i ŭzdoŭž, kab źjadnać vulicu Haharyna z Čechava i vyvieści da zapłanavanaha Paŭnočnaha mostu praź Dźvinu abvodnuju darohu. Muziej baćki Minaja budzie pieraniesieny razam z ansamblam, a pomnika Uładzimiru Karatkieviču, što zaraz znachodzicca na pierakryžavańni vulic Suvorava i Čechava i źjaŭlajecca miescam zboru viciebskich demakrataŭ, uvohule nie budzie.
Pra heta pa vynikach sustrečy z namieśnikam hałoŭnaha architektara Viciebska Leanidam Bahdanavym paviedamiła kaardynatar arhkamitetu BCHD u Viciebsku i Viciebskaj vobłaści Taćciana Sieviaryniec. «Nu, niedzie pastavim», - adznačyŭ čynoŭnik, adkazvajučy na pytańnie pra pomnik.
Na pytańnie ž, čamu pry rašeńni pra budaŭnictva ŭ Viciebsku kopii Połackaj Safii nie byli ŭličanyja pratestnyja zvaroty haradžanaŭ i toje, što ŭ histaryčnaj zonie nielha ničoha budavać, Leanid Bahdanaŭ paviedamiŭ, što rašeńnie ab budaŭnictvie takich abjektaŭ prymajecca prezidentam…