U kiprskaha futbolnaha kłuba za dva dni da matču skrali ŭsie bucy
Złodziei vykrali spartyŭnuju ekipiroŭku futbolnaha kłuba «Niea Sałamina» z kiprskaha horada Famahusta. Kamanda akazałasia ŭ ciažkim stanoviščy pierad nastupnaj hulnioj.
Jak kaža kiraŭnictva kłuba, u Łarnacy z raspranalni byli vykradzienyja 70 par bucaŭ i čatyry pary bramavych palčatak.
Kožnaja para abutku kaštuje kala 200 jeŭra, a palčatki — kala 100 jeŭra. Ahulny košt vykradzienaha pieravyšaje 14 tysiač jeŭra.
Palicyja miarkuje, što złodziei zabralisia ŭ raspranalniu praz akno dušavoha pakoja.
Nastupny matč «Niea Sałamina» pavinien pravieści ŭ niadzielu suprać kłuba «Arysaja» z horada Limasoł. Administracyja kłuba pakul nie moža skazać, u čym futbalisty vyjduć na pole.