«Tut takaja nieraźbiarycha. Na što vy budziecie hladzieć?» — u Breście žurnalista «NN» nie puścili panazirać za apracoŭkaj pratakołaŭ
«Naša Niva» chacieła panazirać za pracaj akruhovaj vybarčaj kamisii na Bresckaj-Pamiežnaj akruzie №4.
Tut byŭ pradstaŭleny amal uvieś śpiektr kandydataŭ. Mieŭsia dziejučy deputat Uładzimir Bazanaŭ, pradstaŭnik sacyjał-demakrataŭ Ihar Masłoŭski, piensijanier-ŁDPBšnik (Valeryj Papieka), žančyna z kalakinskaha «Spraviadlivaha śvietu» (Ludmiła Fiedaniuk)…
Adnak, ničoha nie atrymałasia — karespandenta prosta nie puścili ŭ budynak administracyi Maskoŭskaha rajona Bresta, dzie i pracavała kamisija.
«Kali vy chacieli panazirać za padlikam hałasoŭ, treba było jechać na ŭčastki dla hałasavańnia. A ŭ nas tut budzie apracoŭka pratakołaŭ. Heta rabočy praces… Tut takaja nieraźbiarycha. Na što vy budziecie hladzieć? Na pracu dvaccaci čałaviek?
A vyniki buduć zaŭtra a 10 ranicy na pasiedžańni kamisii, prychodźcie, kali łaska», — skazała karespandentu «Našaj Nivy» Aksana Dutčyk, staršynia akruhovaj kamisii №3.
Ale ž my chacieli panazirać za pracaj kamiisii pad numaram 4. Jakoje dačynieńnie da jaje maje spadarynia Dutčyk?
«U lubym vypadku, heta adzin i toj ža praces», — paviedamiła taja, admoviŭšysia puskać žurnalista ŭ budynak.
Kankretna paviedamić, čamu žurnalistam nielha prysutničać padčas pracy kamisii, Dutčyk doŭha nie mahła. U vyniku, jana spasłałasia na artykuł 13 vybarčaha kodeksu.
Zhodna z hetym artykułam naziralniki mohuć prysutničać na pasiedžańniach kamisij — toje pasiedžańnie i budzie 12 vieraśnia ranicaj. A padlik pratakołaŭ — nie pasiedžańnie. Adnak u artykule 13 ničoha nie havorycca pra toje, što nielha sačyć niepasredna za pracaj kamisij. Zabarony na heta niama.
Adnak, nastajała Dutčyk, niama ničoha i pra dazvoł. Tamu, na jaje dumku, žurnalistam nazirać za kamisijaj nielha.
Na tym i raźvitalisia.