U Minsku taksi na «łysaj» humie rezanułasia ŭ słup, try čałavieki paciarpieli
Pra heta paviedamili ŭ DAI Maskoŭskaha rajona.
21-hadovy kiroŭca Mitsubishi jechaŭ pa praśpiekcie Dziaržynskaha z boku praśpiekta Lubimava ŭ napramku vulicy Hołubieva.
Pa słovach kiroŭcy, niešta zdaryłasia z kołam. Jano ci to łopnuła, ci to prakałołasia, tamu jon straciŭ kantrol za mašynaj, vyjechaŭ za miežy darohi i ŭrezaŭsia ŭ słup.
Akramia kiroŭcy, ŭ aŭtamabili jechali dźvie pasažyrki. Usie troje atrymali traŭmy roznaj stupieni ciažkaści.