Žančyna «zaminiravała» Dom pravasudździa — evakujavali 250 čałaviek
Paviedamleńnie ab miniravańni pastupiła ranicaj 22 žniŭnia. Pravaachoŭniki adreahavali na zvanok — prypynili pasiadžeńni troch (Leninskaha, Kastryčnickaha i Partyzanskaha) rajonnych sudoŭ i evakujavali 250 čałaviek, 23 ź jakich źjaŭlalisia abvinavačanym pa kryminalnych spravach i ŭtrymlivalisia pad vartaj.
Tryvoha nie spraŭdziłasia. Śpiecyjalisty-vybuchatechniki i kinołahi nie vyjavili niebiaśpiečnych pradmietaŭ.
Suprać žančyny raspačali kryminalnuju spravu za iłžyvaje paviedamleńnie ab niebiaśpiecy. «Miniorka» moža atrymać da piaci hadoŭ pazbaŭleńnie voli.
Žančyna zvaniła z telefonu-aŭtamatu pobač z uvachodam u mietro «Piatroŭščyna». Kamiery nazirańnia zafiksavali nieviadomuju. Milicyja ličyć, što telefanavała mienavita jana.
Kali vy paznajecie žančynu na fota, pravaachoŭniki prosiać źviartacca z Maskoŭskim RUUS (vuł. Hrušaŭskaja, 9) albo pa telefonach: 8 (017) 208-78-15, 8 (017) 286-22-02 (faks), 8 (029) 674-54-44, 102.