U adnym sa staličnych RUUS skončyŭ žyćcio samahubstvam zatrymany
Zatrymany za administracyjnaje pravaparušeńnie mužčyna byŭ znojdzieny paviešanym u Kastryčnickim RUUS Minska. Heta adbyłosia ŭ subotu, 20 žniŭnia. Infarmacyju TUT.BY paćvierdzili ŭ Śledčym kamitecie.
«Pravodzicca pravierka pa fakcie śmierci mužčyny ŭ Kastryčnickim RUUS. Pryznačany šerah ekśpiertnych daśledavańniaŭ, u tym liku i sudova-miedycynskaja ekśpiertyza, jakaja ŭstaluje dakładnuju pryčynu śmierci », - paviedamiŭ aficyjny pradstaŭnik SK pa Minsku Alaksiej Klimovič.
Jon taksama raspavioŭ, što apytvajucca svajaki pamierłaha, a taksama supracoŭniki milicyi i vidavočcy taho, što adbyłosia.
Uzrost i za jakoje mienavita administracyjnaje pravaparušeńnie byŭ zatrymany zahinuły, nie paviedamlajecca.
Pa niepaćvierdžanych dadzienych, mužčyna paviesiŭsia na ŭłasnaj kašuli.