Apošni dzień Alimpijady i apošni miedalny šaniec dla Biełarusi
Siońnia, u apošni dzień Alimpijady-2016, na arenach Rya buduć razyhrany apošnija 12 kamplektaŭ uznaharod z 306. Realnyja šancy padniacca na alimpijski pjedestał maje zbornaja Biełarusi pa mastackaj himnastycy ŭ hrupavych praktykavańniach.
Reuters.com
U kvalifikacyi biełaruskija hracyi (Hanna Dudziankova, Maryja Kadobina,Valeryja Piščelina. Aryna Cycylina, Maryja Kaciak) zaniali treciaje miesca ŭśled za kamandami Ispanii i Rasii. Pačatak u 17:00.
Miedalistki Alimpijady-2016 vyznačacca ŭ finale pa sumie dvuch praktykavańniaŭ - z 5 stužkami (pačatak u 17.00), a taksama z 3 bułavami i 2 abručami (17.50).
***
Taksama siońnia projdzie mužčynski marafon, dzie vystupiać Uładzisłaŭ Pramaŭ i Ściapan Rahaŭcoŭ.
Pakul u biełarusaŭ 9 uznaharodaŭ: adna załataja, čatyry siarebranyja i čatyry bronzavyja. Zbornaja adkaciłasia na 40-y radok u nieaficyjnym zaliku. U Azierbajdžana 39-je miesca: 1 załataja, čatyry siarebranyja i 10 bronzavych.
Nahadajem, što ŭznaharody dla Biełarusi zavajoŭvali:
Zołata (Uładzisłaŭ Hančaroŭ — batut),
čatyry srebry (Maryja Mamašuk — volnaja baraćba, Ivan Cichan — mołat, Darja Navumava i Vadzim Stralcoŭ — ciažkaja atletyka),
i čatyry bronzavyja ŭznaharody (Alaksandra Hierasimienia — płavańnie; Maryna Litvinčuk/Marharyta Machnieva/ Nadzieja Lapieška/ Volha Chudzienka — bajdarka; Džavit Hamzataŭ — hreka-rymskaja baraćba; Ibrahim Saidaŭ — volnaja baraćba).