Niejmavierna pazityŭny alimpijec z Kirybaci VIDEA
U XXXI letniaj Alimpijadzie-2016 biaruć udzieł spartsmieny z bolš čym 200 krain. I jakich tolki tvaraŭ nie ŭbačyš u hetyja dni ŭ Rya-de-Žaniejra. Adnak šmat kamu zapomnicca hety alimpijec David Katoatau z Kirybaci — maleńkaj cichaakijanskaj astraŭnoj dziaržavy ŭ Palinezii.
Fota Reuters.
Pa-pieršaje, David byŭ adnym z samych viasiołych ściahanoscaŭ na cyrymonii adkryćcia Hulniaŭ-2016, kali vykanaŭ taniec padčas vychadu na stadyjon «Marakana» ścipłaj delehacyi z Kirybaci.
Pa-druhoje, učora jon uziaŭ udzieł u spabornictvach ciažkaatletaŭ u vahavaj katehoryi da 105 kh. I chaj Katoatau zaniaŭ apošniaje 14 miesca sa ścipłaj sumaj 349 (145+204) kiłahramaŭ, jon byŭ vielmi rady. Spartsmien zdoleŭ zaviaršyć spabornictvy ŭ adroźnieńnie ad inšych bolš daśviedčanych ciažkaatletaŭ, jakija zastalisia ŭvohule biez vyniku.
Niemahčyma nie ŭśmichnucca, kali hladziš na Davida ŭ tancy.