VADA vyjaviła 98 stanoŭčych dopinh-probaŭ na Alimpijadzie ŭ Rya
Suśvietnaje antydopinhavaje ahienctva (VADA) ad pačatku Alimpijady-2016 u Rya ŭziało 2 701 dopinh-probu, 98 ź jakich apynulisia stanoŭčymi, paviedamlajuć infarmahienctvy sa spasyłkaj na miedycynskaha dyrektara Mižnarodnaha alimpijskaha kamiteta Ryčarda Badžeta.
Usiaho za čas praviadzieńnia Alimpijskich hulniaŭ płanujecca zrabić kala 4 tysiač dopinh-testaŭ. Niezadoŭha da startu CHCHCHI letnich Alimpijskich hulniaŭ ad spabornictvaŭ adchilili mužčynskuju zbornuju Biełarusi pa viesłavańni na bajdarkach i kanoe, spartsmienaŭ jakoj abvinavacili va ŭžyvańni dopinhu.
Užo padčas Hulniaŭ nacyjanalnaje antydopinhavaje ahienctva Biełarusi adchiliła ad spabornictvaŭ biełaruskaha taekvandysta Armana-Maršała Siłu, jaki pavinien byŭ vystupać u Rya.
Akramia taho, praz dopinhavy skandał ad udziełu ŭ Alimpijadzie-2016 adchilili ŭsiu zbornuju Rasii pa lohkaj atletycy, polskich ciažkaatletaŭ bratoŭ Zialinskich, kitajskuju płyŭčychu Siniuj Čeń, bałharskuju lohkaatletku Silviju Daniekovu, brazilskaha viełahonščyka Klebiera Ramas da Siłva.