Ekanomika Ukrainy viarnułasia da tempaŭ rostu 2013 hoda, kraina vychodzić z recesii
U druhim kvartale VUP Ukrainy vyras na 1,3% u paraŭnańni z anałahičnym pieryjadam minułaha hoda, paviedamiła Dziaržaŭnaja słužba statystyki. Heta maksimalny pakazčyk z 2013 hoda, piša Bloomberg, adznačajučy, što apytanyja ahienctvam ekanamisty čakali rostu na ŭzroŭni 1,7%.
AFP
Rost u druhim kvartale ŭ adnosinach da papiaredniaha skłaŭ 0,6%.
Pa acency ekanamista kijeŭskaj inviestycyjnaj kampanii Adamant Capital Kanstancina Fastaŭca, drajvierami rostu ekanomiki stali handal i budaŭnictva. Jon miarkuje, što aktyvizacyja bankaŭskaha kredytavańnia pryviadzie da dalejšaha pavieličeńnia VUP Ukrainy ŭ hetym hodzie.
Ekanamičny rost va Ukrainie adnaviŭsia ŭpieršyniu z 2014 hoda ŭ pieršym kvartale, kali VUP krainy ŭ hadavym vyličeńni pavialičyŭsia na 0,1%. U 2015 hodzie ŭkrainskaja ekanomika skaraciłasia na 9,9%. Pry hetym hadavyja tempy padzieńnia źnižalisia kožny kvartał.
Pa vynikach treciaha kvartała minułaha hoda Ukraina technična vyjšła z recesii, u jakoj jana znachodziłasia paŭtara hoda.