Chakiery ŭzłamali poštu Julii Ściapanavaj, jakaja raspaviała pra dopinh u Rasii
Nieviadomyja ŭzłamali elektronnuju poštu Julii Ściapanavaj — rasijskaj spartsmienki, čyj apoviad pra dopinh loh u asnovu niekalkich dakumientalnych filmaŭ i pryvioŭ da adchileńnia rasijskich lohkaatletaŭ ad Alimpijady ŭ Rya.
Julija Ściapanava (Rusanava) i jaje muž Vital raspaviadali ŭ prahramie Si-bi-es «60 chvilin» ab prymianieńni dopinhu
Pra ŭzłom pošty Ściapanavaj raspaviali pradstaŭniki šviejcarskaj arhanizacyi, jakaja zajmajecca padtrymkaj Julii i jaje siamji. Muž Julii Vital Ściapanaŭ — były supracoŭnik Rasijskaha antydopinhavaha ahienctva — taksama raspaviadaŭ žurnalistam pra dopinh u rasijskim sporcie.
Paśla taho jak spartsmienka vystupiła z abvinavačvańniami ŭ vykarystańni dopinhu, jaje miescaznachodžańnie trymajecca ŭ sakrecie. Jak adznačaje sajt spartyŭnaha telekanała ESPN, atrymaŭšy dostup da pierapiski Julii Ściapanavaj, chakiery mahli daviedacca i jaje miescaznachodžańnie.