Achviarami vybuchu na elektrastancyi ŭ Kitai stali bolš za 20 čałaviek
U Kitai na elektrastancyi ŭ vyniku vybuchu paravoj truby, jakaja znachodziłasia pad vysokim ciskam, zahinuŭ 21 čałaviek. Pa mienšaj miery piać čałaviek atrymali ranieńni.
Trahiedyja adbyłasia ŭ horadzie Danian u centralnym Kitai. Na miescy vybuchu pracujuć ratavalniki, pryčyny nadzvyčajnaha zdareńnia pakul nie vyśvietlenyja.
U Kitai časta adbyvajucca trahičnyja zdareńni na vytvorčaści, niahledziačy na namahańni ŭrada krainy, nakiravanyja na pavyšeńnie biaśpieki pracy.
Hod tamu vybuch na chimičnym pradpryjemstvie ŭ paŭdniovym partovym horadzie Ciańcziń zabraŭ žyćci 173 čałaviek.