U Babrujsku adkryli samy vialiki ladovy pałac
U adkryćci ŭdzielničaŭ Alaksandar Łukašenka. Pałac raźličany na siem tysiač hladackich miescaŭ.
U Babrujsku adkryli samy vialiki ŭ Biełarusi ladovy pałac – «Babrujsk-Arenu».
U adkryćci ŭdzielničaŭ Alaksandar Łukašenka. Pałac raźličany na siem tysiač hladackich miescaŭ.
Pałac budavali aŭralnym čynam. Na budoŭli pravali ŭ try źmieny dźvie tysiačy budaŭnikoŭ. Žychary Babrujska dziela pałacu pracavali na subotnikach.
Ladovy pałac u Babrujsku pačali budavać u červieni 2006 hodu. Mierkavałasia budoŭlu skončyć praz try hady, u listapadzie 2009 hodu. Alaksandar Łukašenka, adnak, zapatrabavaŭ paskoryć budaŭnictva. Staršynia Mahiloŭskaha abłvykankamu Barys Batura paabiacaŭ pabudavać pałac u pieršym kvartale 2008 hodu.
Planavałasia, što ŭ 2013 hodzie ŭ Biełarusi projdzie čempijanat śvietu pa chakieju. «Babrujsk-arena» značyłasia ŭ zajaŭcy jak adno ź miescaŭ praviadzieńnia pieršynstva. Hetym i apraŭdvałasia paskareńnie budaŭnictva. Prava praviadzieńnia chakiejnaha čempijanatu ŭ 2013 hodzie, adnak, vyjhrała Švecyja.