Treciuju liniju metro pabudujuć da 2017 h.
A ŭ 2010 h. pačnucca padrychtoŭčyja raboty pa budaŭnictvie pieršaj čarhi
Pavodle jaho słoŭ, pieršaja čarha treciaj linii mietrapalitena budzie składacca z šaści stancyj ahulnaj praciahłaściu 7,7 km. Jana ŭklučyć:
stancyi «Łošyckuju» nasuprać balnicy chutkaj dapamohi, «Aeradromnuju» abo «Minsk‑sici» kala ciapierašniaha aeraporta «Minsk‑1», «Žukoŭskuju» na skryžavańni vulic Žukoŭskaha i Varanianskaha, «Vakzalnuju» nasuprać Centralnaha vakzała, «Kłary Cetkin» i «Jubilejnuju» na adnajmiennych vulicach.
Na hetym učastku praduhledžany dva pierasadačnyja vuzły: na stancyi «Vakzalnaja» sa stancyjaj «Płošča Lenina» i na stancyi «Jubilejnaja» sa stancyjaj «Frunzienskaja». Košt budaŭnictva pieršaj čarhi składzie 1,3 trłn. rubloŭ. Jaje ŭvod u ekspłuatacyju zapłanavany ŭ 2017 hodzie.
V.Žybul paviedamiŭ, što rašeńnie ab pačatku budaŭnictva pieršaj čarhi pryniata z ulikam płanaŭ zabudovy staličnaha rajona «Minsk‑sici» kala ciapierašniaha aeraporta «Minsk‑1». Adnačasovaje budaŭnictva novaha rajona i stancyj mietrapalitena dazvolić pryvieści ŭ adpaviednaść usie horadabudaŭničyja rašeńni hetaha kompleksu, ličyć śpiecyjalist. Akramia taho, pavodle jaho słoŭ, novy ŭčastak mietro z dvuma pierasadačnymi vuzłami razhruzić stancyi «Kastryčnickaja» i «Kupałaŭskaja».
Pavodle słoŭ V.Žybula, zhodna z hienieralnym płanam budaŭnictva Minska staličny mietrapaliten budzie składacca z 58 stancyj na čatyroch linijach ahulnaj praciahłaściu 77 km. Da 2025 hoda pavinna być pabudavana kala 50 stancyj na troch linijach.