U Siryi źbity viertalot ź piaćciu rasiejcami na borcie
U Siryi ŭ pravincyi Idlib źbity rasijski viertalot Mi-8 z tryma členami ekipaža i dvuma aficerami, ich los vyśviatlajecca, paviedamlaje «Interfaks» sa spasyłkaj na pres-słužbu Minabarony.
Fota avia.pro.
«1 žniŭnia ŭ pravincyi Idlib u vyniku abstrełu ź ziamli źbity rasijski vajenna-transpartny viertalot Mi-8, jaki viartaŭsia na avijabazu Chmiejmim paśla dastaŭki humanitarnaj dapamohi ŭ horad Alepa», — paviedamili ŭ Minabarony RF.
Na borcie viertalota znachodzilisia try členy ekipaža i dva aficery rasijskaha Centra prymireńnia varahujučych bakoŭ u Siryi, ich los pakul nieviadomy.
U svaju čarhu vydańnie Al-Masdar News paviedamlaje, što pry krušeńni rasijskaha viertalota ŭ pravincyi Idlib zahinuŭ piłot. U sacsietkach byli apublikavanyja fatahrafii abharełych pravoŭ kiroŭcy rasijskaha ŭzoru, nibyta vyjaŭlenych na miescy padzieńnia viertalota, a taksama pravasłaŭnaj ikony, znojdzienaj u jaho kabinie. Taksama byli raźmieščanyja fatahrafii cieła zahinułaha piłota.